Algengar spurningar

1. Nýtast punktarnir sem ég safnaði mér áður en ég fékk mér Icelandair American Express kortið?
   Já, punktarnir sem þú átt fyrir hjá Vildarklúbbi Icelandair nýtast þér að fullu.
   
   
2. Hvernig get ég safnað hraðar punktum með þessu korti en öðru kreditkorti?
   Með Icelandair American Express korti færðu mun fleiri punkta af hverjum 1000 kr. en af nokkur öðru innlendu kreditkorti. Einnig færðu punkta af allri veltu erlendis en það er nýjung hér á landi. Einnig færðu punkta af allri hraðbankaúttekt.
   Þú ert því mun fljótari að safna punktum upp í flugmiða með Icelandair American Express en með nokkur öðru greiðslukorti hér á landi.
   
   
3. Hvað er hámarkið í farangursþyngd ef maður er með Premium Icelandair American Express kortið eða Business American Express kortið?
   Innan Evrópu má Premium Icelandair American Express meðlimur vera með 30 kg ef ferðast er innan Evrópu og eina aukatösku ef ferðast er til USA.
   
   
4. Má hver sem er nota félagamiða?
   Aðeins aðalkorthafi Classic eða Premium Icelandair American Express má kaupa félagamiðann ef veltan fer yfir ákveðið hámark. Aðalkorthafi má bjóða hverjum sem er að nýta hann.
   
   
5. Hvað þarf að uppfylla til að geta nýtt sér félagamiðann?
   Heildarvelta Classic Icelandair American Express þarf að fara yfir 2,6 milljónir króna en 2,2 milljónir króna fyrir Premium Icelandair American Express. Aðeins er veittur einn félagamiði pr. 12 mánuði ef veltan fer yfir ofangreinda upphæð. Sjá nánar um spurt og svarað hér að neðan varðandi Félagamiða.
   
   
6. Hvaða ábyrgðir þarf maður að veita þegar sótt er um Icelandiar American Express kort?
   Umsækjandi þarf að uppfylla sömu ábyrgðir og þegar sótt er um önnur kreditkort.
   Hver umsókn er metin hverju sinni.
   
   
7. Eru ókeypis bílastæði bara við Leifsstöð eða víðar í heiminum?
   Ókeypis bílastæði eru í langtímastæðum Icepark við Leifsstöð í 3 daga ef viðkomandi er með Premium eða Business Icelandair American Express.
   
   
8. Er nóg að setja kortið í við bílastæðin í Leifsstöð og þekkist maður þá, eða þarf að greiða með einhverjum öðrum hætti?
   Það er nóg að setja Icelandair American Express kortið í greiðsluvélar bílastæða Flugstöðvar Leifs Eiríkssonar og greiðsla fyrir komu á bílastæði verður gjaldfærð á kort þitt.
   Ef nýta á fríðindi Premium og Business Icelandair American Express kortanna um endurgreiðslu á 3 dögum á langtímasvæði Icepark við Leifsstöð þarf að greiða með Premium eða Business korti (setja í greiðsluvél við komu og aftur við brottför) og endurgreiðslan verður síðan færð inn á kort meðlims fyrir næstu gíróseðilsvinnslu af Kreditkorti hf.
   
   
9. Eru kortin með örgjörva?
   Frá og með 26. janúar 2009 verða öll kort gefin út með örgjörva.
   
   
10. Hvað tekur langan tíma að fá kort útgefið, eftir að ég sæki um?
    Að öllu jöfnu ætti afgreiðslufrestur að vera 5 dagar.
    
    
11. Ef maður ætlar að nýta sér aðgang að VIP setustofum eða fara í forgangsinnritun, er nóg að sýna kortið eða fær maður eitthvað annað í hendurnar til að nota við slík tækifæri?
    Það er nóg að sýna Premium eða Business Icelandair American Express kortið og það gefur þér heimild til að nýta þér þessi fríðindi.
    
    
12. Sólarhringsþjónustan sem veitt er vegna kortanna, er hún í boði hér á landi?
    Já hægt er að hringja í s. 575 5900 allan sólarhringinn.
    
    
13. Eru það íslenskumælandi einstaklingar sem munu aðstoða?
    Já það eru íslenskir starfsmenn – staðsettir í Ármúla 28.
    
    
14. Ef maður lendir í vandræðum hvernig nálgast maður þessa þjónustu?
    Hringir í þjónustunúmerið: 575 5900.
    
    
    

Félagamiði

1. Þarf Félagamiðinn að vera Vildarmiði?
   Til að geta nýtt Félagamiðann þarftu að bóka flugfargjald fyrir Vildarpunkta og færð þá samskonar miða fyrir félaga þinn.
   
   
2. Gildir Félagamiðinn á hvaða farrými sem er?
   Já svo lengi sem þú kaupir upphaflega miðann með Vildarpunktum, þá áttu rétt á samskonar miða á sama farrými.
   
   

3. Hvernig bóka ég Félagamiða?
   Félagamiði er bókaður hjá sölumönnum Icelandair í síma 50 50 100. Ekki er hægt að bóka Félagamiða á vefnum.

4. Eru flugvallarskattar og aðrar greiðslur innifaldar í Félagamiðanum?
   Nei, flugvallarskattar og aðrar greiðslur eru ekki innifaldar í verði Vildarmiða né Félagamiða.

5. Get ég keypt venjulegt fargjald og fengið Félagamiða með því?
   Nei þú verður að kaupa Vildarmiða!

6. Hvað ef ég á ekki nóg af Vildarpunktum?
   Til að eiga rétt á Félagamiða þá verður aðalfargjaldið að vera bókað með Vildarpunktum. Við bendum félögum okkar á kaup og millifærslu á Vildarpunktum

7. Get ég notað Vildarpunkta einhvers annars til að bóka aðalfargjaldið?
   Nei, við bendum fólki hins vegar á millifærslu og kaup á Vildarpunktum.

8. Get ég gefið Félagamiðann minn?
   Nei Félagamiðaréttindi eru tengd korthafa. Korthafi verður að kaupa Vildarmiða til að eiga rétt á Félagamiða. Félagamiðann er hægt að nota fyrir hvern sem er.

9. Hvað gerist ef ég nýti ekki Félagamiðann minn innan árs frá því ég öðlast réttindi á honum?
   Félagamiðaréttindin gilda í eitt ár frá því korthafi öðlast réttindin. Ef hann er ekki nýttur innan þess tíma þá renna réttindin út.

10. Hvað ef ég er nú þegar búin að bóka Vildarmiða get ég bætt Félagamiðanum við eftir á?
    Já það er hægt svo lengi sem það séu ennþá Vildarsæti í boði. Til þess að bóka Félagamiða verður að hafa samband við sölumenn okkar í síma 50 50 100. Athugið að Félagamiði er með sama gildistíma og aðalfargjaldið.

11. Ég er aukakorthafi, get ég nýtt Félagamiða aðalkorthafa?
    Nei Félagamiðaréttindi tengjast aðalkorthafa og verður hann því að bóka Vildarmiða fyrir sig og Félagamiðann fyrir þig.